عايز تتطلع عين مراتك.....................ورايا

دى نصايح عمكو الامور عشان تتطلع عين مراتك

لو انت جاي من بره مثلا واول مافتحت الباب ودخلت تلاقيها متبسمه في وشك وحاجه تشرح القلب وبتقولك انت جيت ياحبيبي
سيبها وامشي وماتردش عليها وهتجيلك تاني تقولك نفس السؤال
قوم بره سايبها وماشي بس قولها وانت ماشي يعني انتي شايفه خيالي اللي جه ايه الاسئله الغبيه دي

وانتو قاعدين تاكلو وكده وطبعا الاكل ريحته جميله تشبع لوحدها وحاجه مفيش بعد كده واكلت معلقه
روح سايب الاكل وقايم هتسالك مالك ياحبيبي الاكل فيه حاجه
قوم قايلها هو فين الاكل ده اساسا انا مش شايف غير حاجه مينفعش نسميها اكل

هي بقي قاعده بتظبط البيت وبتمسحه وتكنسه وحاجات من دي وقاعده بقالها تلات
ساعات شغاله قوم انت بكل سهوله ماشي علي اللي نضفته ووسخلها كل حاجه تاني
وياسلام بقي لو عملت نفسك مش شايف ووقعت الميه وغرقتلها الحته تاني

هتقولك ياحبيبي بقالنا كتير ماخرجناش مع بعض قولها خلاص اجهزي وهنخرج نتعشي بره النهارده
هتفرح هي وتقعد توضب في نفسها ساعه بس متعرفش الخدعه بقي
روح اعمل نفسك انك بتر يح علي السرير وهتيجي تقولك انا خلصت ياحبيبي
ماتردش عليها وروح سايبها ونايم

تدخل عليها تلاقيها عامله شعرها ومظبطه نفسها والبت زي القمر بجد ومستنيه ملاحظتك لده وانت ولا انت هنا
هتتضطر تقولك مش ملاحظ حاجه ياحبيبي هتقولها انت طبعا ملاحظ
ايه اللخبطه اللي انتي عاملها في نفسك دي

تقولك انا غسلت هدومك ياحبيبي وكوتهم وحطيتهم في الدولاب روح انت فاتح
الدولاب وهات اي حاجه من هدومها وقولها كمان بتغسلي هدومك احسن من هدومي
وطبعا هدومك مفيش فيها غلطه

قاعدين تتفرجوا ع التليفزيون شوف الحاجه اللي بتتشد ليها ايه واقلب عليها
وياسلام لو جبت حاجه مالهاش لزمه هتقولك اقلب ياحبيبي نشوف دا احلي
طبعا سيادتك مش سامعها هتقولك مره واتنين قولها خلاص خدي مش عاوز منك حاجه انا نازل اصلا واعمل نفسك زعلان ومضايق

تقعد ترن عليك بالموبايل وانت ولا انت هنا لغايه ماتروح تقولك مكنتش بترد
عليا ليه قولها مسمعتش الرنه وهي رنت يجي ميتين مره وبعدين موبايلي مشغول
طول النهار وهي كل رنه رنتها مش مشغول ولا حاجه

تقولك ياحبيبي النهارده عيد جوازنا طنشها برده هتقولك تاني
قولها ايه العالم الفاضيه دي حتي الجواز بقي ليه عيد ميلاد طب وفين مامته بقي

وخليك دايما مطنشها وحسسها انها مش مهمه في حياتك ودايما حسسها بضعفها في
كل حاجه وان غيرها اشطر منها وان هو كمان اللي مستحملها مش هي اللي
مستحملاه

طبعا مفيش واحده ست هتقدر علي كده
بس لو قدرت علي كده او نص كده او ربع كده
اوعي تسيبها ولا تزعلها لانها بجد هتكون بتحبك وانت فعلا اللي هتخسرها

مفيش طبعاً أى ست هتستحمل ولو خمس ده وأساساً مفيش رجالة بالرخامة دى

طبعا مفيش واحده ست هتقدر علي كده
بس لو قدرت علي كده او نص كده او ربع كده
اوعي تسيبها ولا تزعلها لانها بجد هتكون بتحبك وانت فعلا اللي هتخسرها

هى دى الستات ولا بلاش

» عايز رايكم