ليه الغدر..!! ليه الجفا..!! ليه بعتيه..!!
ليه بسهوله عن طريقـه مشيتـي..!؟
غبتي (وقلبه) فـي غيابـك ملكتيـه
تكفيـك (نبضاتـه) إلامـن طريتـي
عقله يفكّر بـك .. ووقتـه سرقتيـه
من يوم ماقلبـك .. نسـاه وجفيتـي
مدري تحبينه..؟ ومدري كرهتيـه..؟
بس الوكاد أنـك بحقـه (خطيتـي)
ماهو على خبـرك مثـل ماعرفتيـه
حاله تغيّر .. للأسـف مادريتـي..!؟
أنا أشهد أنـك فـي غيابـك دمرتيـه
ياللي علـى منهـو يحبـك قسيتـي
كل الكلام اللـي وصلـك وقريتيـه
تدرين من انا..!؟ أو أنك نسيتي..!؟
أنا (حبيبك) اللـي نسيتيـه..!؟
اللي عن عيونـه بلحظـه (أختفيتـي)
أنا (حبيبك) اللـي خدعتيـه..!؟
اللي على صـدره بليلـه (غفيتـي)
أنا (حبيبك) اللـي خذلتيـه..!؟
اللي يحـس بضيقتـك (لاشكيتـي)
أنا (حبيبك) اللـي كسرتيـه..!؟
اللـي يجيـك ويحظنـك (لابكيتـي)
إن كان حبـي مـن حياتـك نهيتيـه
وفي غيبتك (لاماضعفتـي) (قويتـي)
كملي طريـق ٍ دون داعـي مشيتيـه
وروحي على كيفـك مثـل مابغيتـي
ياللأسـف حـب ٍ بنيتـه هدمتيـه
(وفيت) وأنتي..!؟ ؟ (للأسف ماوفيتـي)