عارف لما تحس انك لوحدك و مفيش حد في الدنيا دي كلها جنبك يا تري هاتتصرف ازاي
كل حب الناس اللي حواليك دا انت مش حاسس بيه او بمعني اصح في لحظة من لحظات حياتك حسيت بالتجاهل يا تري برضه هاتتصرف ازاي
عارف لما تبقي حزين و الضحكة مش راضية تطلع و لما تبقي بتضحك بس انت مش حاسس انك بتضحك
عارف لما تبقي مش قادر تبص في عين الناس اللي بتكلمك او الناس اللي حواليك كلهم لانك خايف في لحظة من اللحظات انك تشوف نظرة تجرحك زيادة او يحرك جواك شعور و تبقي سعيد في لحظتها و تلاقي ان الشعور دا اتقلب و انه كان سراب
عارف لما تقعد تبني بيت و تفضل تبني و تكبر فيه و اول لما يخلص و تبدا تشطبه و خلاص شكله بقي جميل اوي و ناس كتير تشكر فيه و انت قررت خلاص قررت انك تدخل و تعيش فيه و تلاقيه فجاة قبل ما تصحي من الحلم ان البيت اتهد فوق دماغك بس المشكلة انك ممتش و لا فقدت الوعي و انك شفت المنظر كله قدام عنيك يا تري برضه هاتتصرف ازاي
لكن اذا كان البيت دا حجارة فما بالك بالمشاعر و الاحاسيس
عارف لما تحس انك ماسك الدنيا كلها في ايدك و ان كل حاجة اتمنيتها معاك و تيجي تفتح ايدك تكتشف انك كنت ماسك هوا و عارف و عارف و عارف و حاجات كتير قوي يا تري حد عرفها قبل كده
و عارف لما يبقي كل اللي جواك دموع و في عينيك دموع و ان حتي الضحكة بتبقي دموع
و عارف لما اي حد يقولك ازيك لمجرد انه قال الكلمة دي تلاقيك بتدمع و برضه عارف و عارف و عارف و حاجات كتير غير اللي عرفتها لازم تعرفها
و حب و حنان و امان مفتقده و مكان انت بتحبه و عاوز تسيبه و ناس عايش في وسطهم و نفسك تبعد عنهم و بتهرب منهم
و قسوة من ناس انت ماذيتهاش بالعكس بيدوك عكس ما بياخدوا منك
و عمر بيجري منك و بكره اللي مش عارف فيه ايه و لا قادر تحددله شكل و لا ملامح
و دنيا متجهلاك هي كمان زي الناس و حاجات كتير كتير اوي لازم تكون عارفها و مريت بيها
عارف لما يبقي دا كله في شخص واحد و الظروف دي كلها في انسان واحد برضه يبقي ليه
كان كل دا ليييييييييييييييييييييييييييييييييييييييييييييييييه
رحمتك يا رحمن يا رحيم
ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا رب