قصيدة اذكرونى

كتبت هذه القصيده اليوم الخميس 17 مايو 2012

اذكرونى بعد موتى
ربما سأكون ذكرى
ربما سأكون وهما
اومجرد خيط فى فكره
اللى هيعيط عليا
واللى هيقول غار وراح
واللى هيبص فى عنيا
واللى يتمنى السماح
واللى هيقول كان مؤدب
واللى هيقول كان سقيل
واللى هيقول كان كويس
عمره يوم ماكان تقيل
واللى يبكينى بحراره
واللى هيقول ميت خساره
كان جدع شهم واصيل
واللى هيقولى ياخويا
فوت ليه وبعدت عنى
صدقونى غصب عنى
الحياه مبقتش هى
عمرى يوم مفرحت بيها
ميت حكايه وميت قضيه
كل شىء فى الدنيا دى
كان مجرد تمثيليه
عمرها يوم فرحتنى؟
جوا احزانى ورمتنى
واللى كان يتمنى قربى
سل سيفه وعذبتنى
يبقى ليه ابكى عليها؟
هى خسرانه وكفايه
ضيعتنى من ايديها
عارف ان دا كله وهم
وان انا حساس زياده
كنت بتمنى ابقا حاجه
كنت بتمنى السعاده
مش مهم انى اموت
بكره موتى يبقى عاده
اذكرونى بعد موتى
ربما سأكون ذكرى
ربما سأكون وهما
اومجرد خيط فى فكره
اذكرونى اذكرونى اذكرونى

القصيده رائعة بس ليه الحزن ده كله يا عبدو؟؟؟؟؟؟؟؟؟؟

سنذكرك ونذكر كلماتك الجميله وانت بيننا تنعيم بالسعاده والهناء
ابنى حاول ان تبتسم وحاول ان ترى ابتسامه من حولك حتى تنعم بالحياه
نعم كلنا فى النهايه الحتميه ولكننا نعيش لنحيا
نحب
نتامل
نبنى حياتنا بالحب لا بالياس
فلتجرب ان تكتب عكس ماان ترى وسوف تجد الحياه ورديه امامك
فكلماتك رائعه ولكنى اشعر فى كل كلماتك بنبرة الياس والحزن
هيا اخلع ثوب الحزب والياس وتفائل فالامل قادم اليك لانك حقا اهل له

مش بحب القصائد الحزينه خلينا فى رسمت صورتك احسن

انت لسه صغير على الحزن ده كله الدنيا حلوه خليك متفائل

ماذا تفعل لوشعرت بأن اليوم يوم موتك وانك الان تقبض روحك وانك ما اعددت للقاء الله زادا يعينك على سفرك وتبكى مخافة الله وترجو من الله ان تعيش ولو لبعض الوقت لكى تعد شيئا يغفر لك به ؟ الاجابه صعبه ولكن الاصعب ان تخاف من ان تموت فى اى لحظه لله الامر من قبل ومن بعد