قصيدة رسمت صورتك

الى من اسرت قلبى بصوتها الحنون


رسمت صورتك جوه
قلبى بحبر وردى
ورصفت قلبى طريق
جميل علشان تعدى
وبدمع عينى بنيت
قصور جوه القلوب
وحاجات كتير
تتخيلى تقدر تدوب
بكلمه منك
او بضحكه من شفايفك
هتصدقى لوقلتلك
انى بقيت فرحان قوى
وكأنى شايفك
وكأنى عارفك من زمن
وكأن ايامى اللى جايه
هتبقى ليكى مقدما
يمكن عشان انت
ملاك وسط البشر
يمكن عشان نورتى
ليلى ودنيتى زى القمر
انا بس خايف من الزمن
خايف حياتى بعد منك
تنطوى او تنكسر
بالله عليكى متكونيش
زى الزمن فى قسوته
انا عارف ان القلب دا
زى النسيم فى رقته
بس اعذرينى مانت عارفه
حياتى والحب القديم
عايز حياتى تكون
معاكى طريق سليم

بسم الله مشاء الله عليك الله ينور جميل جميل والله تسلم ايدك

احييك على رقه مشاعرك ووصفك الرائع لحبيبتك ويارب يتوج حبكم بالنهايه السعيده قريبا