حدث مهم
يوم 19 مارس 2011 الاستفتاء على التعديلات الدستوريه
فما هى التعديلات الدستوريه:-سيتم تعديل المواد الاتيه:-
الماده 75:-اتعدلت علشان ماحدش يحكم مصر يكون معاه جنسيه أجنبيه لا هو ولا زوجته
الماده 76:-اللى جعلت ممكن مرشح مستقل يقدر يرشح نفسه لرئاسه الجمهوريه بشرط الحصول على 30 ألف صوت من الناس أو يكون عضو فى حزب له واحد على الاقل فى البرلمان بس ( بعد ماكان لايمكن لأحد ترشيح نفسه الا بتوع الحزب الوطنى)
الماده 77:-اللى جعلت مده الرئيس 4 سنوات فقط ممكن تتجدد مرة واحده ثانيه بس ( بعد ماكانت المده مفتوحه الى الابد )
الماده 88 :-اللى رجعت الاشراف القضائى الكامل على الانتخابات كلها من جديد
الماده 93:-اللى جعلت عضويه الفصل فى عضويه مجلس الشعب من خلال المحكمه الدستوريه العليا علشان ميكونش فى حاجه اسمها سيد قراره
الماده 139:-الزمت رئيس الجمهوريه انه لازم يعين نائب له خلال 60 يوم من انتخابه
الماده 148:-وهى مهمه جدا لانها جعلت لو حدث شىء فى البلد يستدعى حاله الطوارىء ممكن رئيس الجمهوريه يعلن حاله الطوارىءلكن لازم يعرضها على مجلس الشعب خلال 7 أيام فقط وتكون حاله الطوارىءمحدده بمده 6 أشهر فقط ولا تجدد الا باستفتاء شعبى
الماده 179:-تم الغائها لان الماده دى كانت بتسمح ان بيتى وبيتك يقتحموه بحجه الارهاب
الماده 189:-وهى التى بتنظم طلب تعديل مواد الدستور او عمل دستور جديد ولم تجعله فى يد رئيس الجمهوريه فقط
ولكن لابد من موافقه مجلس الوزراء ونصف مجلسى الشعب والشورى
الماده 189:-مكرر مهمه جدا لانها أكدت ان بعد اقرار التعديلات مجلس الشعب المنتخب بعد التعديلات مباشرة خلال 6 أشهر يكون لجنه من 100 عضو لوضع دستور جديد
((انتبه هناك نقطه مهمه جداااااااااا))
اذا صوتنا بنعم فى الاستفتاااااااااااء يحدث بعدها:-
اولا:-سوف يكون عندنا برلمان جديد منتخب وأكيدسوف يكون ممثل للشعب الذى عمل الثورة
ثانيا:-سيتم انتخاب رئيس جمهوريه بشروط ترشيح تجعل المستقلين ممكن يترشحوا والاحزاب
ثالثا:-سيتم عمل دستور جديد للبلد وندخل عصر جديد بدستور جديد
اما اذا صوتنا ب لا-ماذا يحدث؟؟؟؟؟؟
اولا:- سنظل فى حاله فوضى لعدم وجود مؤسسات منتخبه ثمثل الناس((لا مجلس شعب ولا شورى ولا محليات
ثانيا:-سيظل الحكم فى يد واحده تتحكم كيف تشاء بدون مؤسسات منتخبه فى البلد
ثالثا:-سنظل تحت حكم المجلس الاعلى للقوات المسلحه -حكم عسكرى-وطبعا المجلس الاعلى عنده مهام اخرى خطيره جدا لابد وان يتفرغ لها
وفقنا الله واياكم من اجل خدمه مصر وشعبها الكريم لكى تعيش مصر حرة ابيه الى الابد